رئيس التحرير: خالد البلشي

Loading

أهم الأخبار

غدا.. الاجتماع التحضيري الأول لإضراب الصحفيين بمقر النقابة.. والبلشي: الدعوة تشمل كل قطاعات الصحافة

نقابة الصحفيين ارشيفية
نقابة الصحفيين ارشيفية

البلشي: نطالب بأجر عادل وصرف الرواتب في مواعيدها والتصدي للفصل التعسفي ونسعى للدفاع عن حقوق الزملاء

تستضيف نقابة الصحفيين في السادسة من مساء غدا الاثنين الاجتماع التحضيري الأول لدعوة إضراب الصحفيين يوم 10 يونيو من أجل الحقوق الاقتصادية والاجتماعية.

وقال الزميل خالد البلشي وكيل نقابة الصحفيين والداعي للاجتماع: «هنجتمع عشان نجهز لتحركنا الأول، والتأكيد على أن الإضراب بداية مش هدف.. ومطالبنا واضحة، احنا بنطالب بأجر عادل، بنطالب بصرف مرتباتنا في مواعيدها مش على مزاج أصحاب المؤسسات.. بنطالب بالتصدي للفصل التعسفي.. وبنطالب بحل مشاكل الزملاء المفصولين والعاطلين.. وبنقول ان الجماعة الصحفية والاعلامية بدأت التحرك عشان تكون طرف في صياغة علاقات العمل الظالمة.. وفي التصدي لكل الانتهاكات.. وكمان مصرة على انها تكون طرف في صياغة قانون عمل عادل لكل العاملين مش للصحفيين بس».

وأضاف البلشي: «الحركة هتكون من داخل المؤسسات وبالتنسيق مع كل اللي بيدافعوا عن حقوق الصحفيين والإعلاميين.. بحيث نكون كلنا طرف في التصدي للانتهاكات ضد زملائنا.. ولما زميل يتفصل ما يقفش لوحده في مواجهة مؤسسته.. ودي رسالة للكل إننا مش هنسكت على انتهاك حقوقنا وان زي ما كل مؤسسة عاوزه شغلها يطلع في ميعاده وبتعاقب اللي يتأخر لازم تدرك إن اللي بيشتغلوا لهم حقوق لازم يحصلوا عليها في مواعيدها مش حسب المزاج».

وأكد البلشي أن «الإضراب في 10 يونيو مش هدف لا دي بداية حركتنا كصحفيين وإعلاميين في كل مكان وفي ذكرى يوم تصدي الصحفيين للقانون الظالم ( قانون اغتيال الصحافة 93 لسنة. 1995)، موضحا أن الدعوة تشمل كل قطاعات الصحافة المطبوعة والالكترونية والمرئية والمسموعة.. لأن كلنا في الهم واحد .. كلنا في الهم صحفيين.

التعليقات
press-day.png