رئيس التحرير: خالد البلشي

Loading

أهم الأخبار

شقيقة إسراء الطويل تروي تفاصيل زيارتها بسجن القناطر: لو فضلت شهر من غير علاج طبيعي هتتشل تاني

آلاء: إسراء كتبت في أمن الدولة الرقم الي حفظاه بدمها ع الحيطه على أمل إن حد يكلمنا يقولنا مكانها

نقلت آلاء الطويل، شقيقة الناشطة والمصورة إسراء الطويل، عن شقيقتها المحتجزة في سجن القناطر الخيرية، إنها ستصاب بـالشلل مرة أخرى، في ظل عدم خضوعها للعلاج الطبيعي.

وكانت إسراء التي اختفت في 1 يونيو الجاري وتم العثور عليها في 16 يونيو بسجن القناطر، قد أصيبت برصاصة في العمود الفقري أثناء تغطيتها لأحداث ذكرى الثورة في 2014، وكيف أقعدتها الرصاصة لعام كامل ، قبل أن تعود للمشي مستندة على أهلها وأًصدقائها.

وقالت آلاء الطويل في منشور مساء اليوم عبر صفحتها على فيسبوك" بعد زيارة شقيقتها:إسراء بتقول لو فضلت شهر كمان من غير علاج طبيعي هتشل تاني والتعب الي فات في العلاج هيكون عالفاضي".

وأشارت "آلاء" إلى أن شقيقتها إسراء تخضع لعلاج طبيعي يومي منذ عام ونصف، وبدأت في التحسن منذ فترة قصيرة، وأصبحت "تمشي بصعوبة"، مشددة على أن "وقف العلاج وعدم الحركة والسجن مش في صالح صحتها تماما"، وطالبت بالإفراج عن شقيقتها قائلة: "بنطالب بخروجها سريعا عشان تكمل علاجها لانها معملتش حاجه تتحبس بسببها".

وأضافت آلاء: "إسراء عندها ضيق تنفس والعنبر بتقول فيه 38 واحدة مابين مخدرات ودعارة وطول الوقت سجاير وهيا متضايقة جدا من دا ، وان كانت متاخدة فعلا بسبب قضية سياسية انقلوها عنبر السياسيات !!"

وتابعت: اسراء بتحكيلنا انهم لما اتحطوا في ميكروباص قدام تشيليز وغموهم فهمت انهم اعتقلوهم، وكانت بتشرح للي اخدهم أن لو كانوا مراقبين التليفون، فصهيب كان بيقولهم تعالوا نتعشی في مطعم قنبلة اللي في السيدة زينب مقالش هنفجر قنبلة !! وفضلت متخيله بجد انهم اتاخدوا بسبب الغلطة دي".

وأشارت "آلاء" إلى أن إسراء "فضلت 15 يوم متغمية في أمن الدولة لاظوغلي" وكانت تطلب من الذين يحققون بيحققوا معاها إرجاعها إلى البيت لكي تخبر أسرتها بمكانها، ثم يأخذوها مرة أخرى، مستطردة: "لما ملقتش فايده عورت نفسها وكتبت الرقم الي حفظاه بدمها عالحيطه علی أمل إن حد يكلمنا يقولنا مكانها".

وقالت "آلاء" إن "إسراء" حكت أنه "في يوم من الأيام الي قضتها في لاظوغلي كان بقالها كتير مكلتش وجعانه جدا جالها حد قالها كلتي؟ بتقول معرفتش ارد وعيطت، قالها اجيبلك ايه؟ قالتله شيبسي قالها وايه كمان قالتله مولتو، وايه تاني قالتله عصير قالها مش عايزه حاجه كمان؟ قالتله وايس كريم"

وأضافت: "الست الي قاعده معانا في الزيارة تسمع كل كلمه نفسها اتعصبت قالتلها دانتي فاضيه ماتقوليله يجيبلك اكل حقيقي"، واستطردت: إسراء طلعت مش بتقول للظباط "عمو" بس دي كمان بتقول عمو الباشا.

ونقلت "آلاء" عن شقيقتها قولها إن "حمام السجن قذر" وأن السرير الذي تنام عليه في السجن تشاركه فيه سيدة أخرى ممتلئة الجسد "بتفعصها".

وبحسب بآلاء الطويل فأن عيد ميلاد "إسراء" يوم 28 يونيو الجاري، وهو موعد التحقيق معها في نيابة أمن الدولة العليا، لافتة إلى أن شقيقتها 
بتقول لكل اصحابها يدعولها واللي كان ناوي يجيبلها هدية، يطلع بفلوسها صدقة بنية انها تخرج ".

وأختتمت "آلاء" منشورها قائلة: "هوا مش كفايه كدا علی اسراء؟ هما مقتنعين بجد ان واحده بتعرفش تمشي لوحدها وبتتسند خطر عالدولة؟ واحدة حياتها ابسط من كل ده بكتير مفيهاش غير عيلتها واصحابها وكاميرتها وقطتها يبقا ليها فكر ارهابي؟"

يذكر أن نيابة أمن الدولة بالتجمع الخامس قررت في 17 يوينو استكمال التحقيق مع إسراء الطويل يوم 28 يونيو الجاري، في قضية تحمل رقم 485 لسنة 2015.

 

التعليقات
press-day.png