رئيس التحرير: خالد البلشي

Loading

أهم الأخبار

زوجة أشرف شحاتة عضو حزب الدستور المختفي قسريًا منذ 2014 تدخل إضرابا عن الطعام لحين الكشف عن مكان زوجها

مها المكاوي : أحمل رئيس الجمهورية ووزير الداخلية المسئولية عن سلامة أشرف .. وأنا متأكدة أنه كويس
 
أعلنت مها المكاوي، زوجة المحامي أشرف شحاتة، المختفي قسريًا منذ 13 يناير 2014،  دخولها في إضراب عن الطعام لحين الكشف عن مكان زوجها وقالت المكاوي في تدوينة على صفحتها على فيسبوك  :" قررت مع نفسي إني ادخل في اضراب عن الطعام لحين الكشف عن مكانه، وقد بدأت من اليوم وربنا المعين وارجوكم محدش يدخل يقولي صحتك وقوتك وعافيتك لان كل ده المفروض استمده من وجود اشرف في حياتي مش العكس"..
وحملت المكاوي رئيس الجمهورية ووزير الداخلية المسئولية عن سلامة زوجها.. واضافت :" انا باكتب واهاتي مع اللا دوله من شهور وتحملت انا وولادي ما لايتحمله بشر في غياب العائل الوحيد لنا، واللي فعلا احنا من غيره ممكن نضيع"
وأوضحت المكاوي  إن غياب أشرف كان قبل الاستفتاء بيومين، والجميع طمني انه هايخرج بعد الاستفتاء ثم الانتخابات الرئاسية، والآن هناك من يطالبني بالصبر لما بعد الانتخابات البرلمانيه، رغم أنه حتى هذه اللحظه مفيش مسئول رد عليا باي بتنجان ولا ردوا على البرامج اللي عملتها والمداخلات والحقيقه أنا مش عارفه اهمية اشرف قوي كدا في الدوله، وإن له تأثير إنهم عايزيين يفضوا نفسهم لقضيته علشان بالهم يبقي رايق ويردوا عليا ويكشفوا عن مكانه"
واردفت زوجة أشرف شحاتة " وبناء علي كل ده هاارجع تاني واحمل رئيس الجمهوريه ووزير الداخليه المسئولية عن سلامة اشرف والحمدلله انا متأكده انه كويس وبخير وياريت يبعتوا له السلام".
 
التعليقات
press-day.png