رئيس التحرير: خالد البلشي

Loading

أهم الأخبار

زوجة أشرف شحاتة للسيسي: عايز تعرف أسأت لمين؟ لولادي لما حرمتهم من أبوهم وأشرف لما سلبت حريته وليا لما حرمتني منه

مها مكاوي: أسأت لعمر وعلي اللي نفسهم يقعدوا يناقشوا أبوهم زي ما بتقعد مع ولادك ولـ مها اللي حرمتوها من الدلع وحضن أبوها

 

 

 

 

وجهت مها مكاوي، زوجة أشرف شحاته، المختفي قسريًا، منذ 20 شهرا رسالة أمس الثلاثاء، للرئيس عبد الفتاح السيسي، ردت فيها على السؤال الذي طرحه في الندوة التثقيفية للقوات المسلحة منذ يومين، "أنا أسأت لمين؟"

واتهمت مكاوي السيسي بأنه أساء لزوجها التي تتهم قوات الأمن باختطافه منذ قرابة العامين، وأساء لها، ولأطفالها الثلاثة، مضيفة "لو عثرت دابة في العراق لسُئل عنها عُمر".

 

وكتبت مكاوي، المضربة عن الطعام منذ 12 يومًا، أمس عبر صفحتها علي فيسبوك "اليوم الحادي عشر للإضراب وحضرتك ياريس بتقول أسأت لمين هقولك وما تزعلش، أسأتلأشرف اللي سجانك خطفه ومقالش هو فين، أسأت لأشرف اللي بيعشق تراب مصر وكان عايز يساعد في نهضتها وانتوا حرمتوه منها، أسأت لأشرف اللي بيصرخ ومحدش سامعه، أسأت  لأشرف وسلبت حريته".

 

وتابعت "أسأت لنفسك علشان مقدمتش أشرف للمحاكمة لو مدان، أسأت لي شخصيًا لإني بهاتي بقالي سنتين ووجهتلك نداءات كتير ومتجاهلني، أسأت لعمر اللي نفسه يقعد يناقش أبوه زي زمان وزي ماحضرتك بتقعد مع ولادك، أسأت لعلي اللي حالته النفسيه زي الزفت، أسأت لمها بنت أبوها اللي حرمتوها من الدلع وحضن أبوها، أسأت لعيلة كاملة مش عارفه تعيش من غير عائلهم، أسأت لولادي وأبوهم لما خطفتوه وأقرب الناس طمعت في حقه وحق ولاده، أسأتلي لما حرمتني من زوج حنون ومحب".

 

وأضافت  "عارف مين سبب الإساءات دي ياريس؟  وزير داخليتك والنائب العام وحكومتك وهما دول اللي بيخلوك تسئ لنا"، وتابعت "عارفة إن هيطلع مؤيديك يشتموني ودي إساءة لنفسك، عارفة انهم هايطلعوا يقولوا وانتي مين علشان الريس يرد عليكي، بس هقول لحضرتك زي ماسيدنا عمر قال ، لو عثرت دابة في العراق لسُئل عنها عُمر، إحنا مصريين ياريس واحنا من رعاياك وكل مسئول عن رعيته"

 

 
يذكر أن مها مكاوي دخلت إضرابًا عن الطعام في 24 أكتوبر، لمطالبة السلطات بالإفصاح عن مكان زوجها، المختفي قسريًا منذ يناير 2014، وعلمت بعد فترة من اختفائه باحتجازه من قبل قوات الأمن، ولا تعرف حتي الآن مكانه

التعليقات
press-day.png