رئيس التحرير: خالد البلشي

Loading

أهم الأخبار

بالفيديو.. عزة الحناوي بعد وقفها عن العمل: ماسبيرو ماشي بمبدأ عاش الملك مات الملك.. وما حدث لي «مهين»

عزة: الرئيس بيقول إحنا عايشين أزهى عصور حرية الرأي والتعبير.. وسبب وقفي "مضحك"

الحناوي: وضيوف برامج ماسبيرو «كلهم موالين للنظام».. والعاملين ماشين بمدأ وعاوزينا نكذب..نكذب

 

وصفت المذيعة التليفزيون المصري، عزة الحناوي، وقفها عن العمل، بعد مطالبتها في برنامجها «أخبار القاهرة» على القناة الثالثة، بمحاسبة المسؤولين عن أزمة الأمطار الأخيرة، بـ «المُضحك.. أنا في منتهى الذهول».

وأضافت عزة الحناوي، في مداخلة هاتفية مساء الاثنين، مع الإعلامي جابر القرموطي ببرنامجه «مانشيت» على قناة «أون تي في»، أنها فوجئت بنشر مواقع إخبارية لفيديو الحلقة وإشادة الكثيرين بما قالته، ثم بقرار وقفها عن العمل لدى توجهها لتقديم حلقة جديدة من برنامجها أمس.

وتابعت: «حاجة مُهينة، يجيبني من البيت ويفاجئني إني موقوفة عن العمل، بدل ما أجي أقدم شغلي يقولوا ليا برة، ليه كدة، كنت جاية منتظرة يقولوا كويس يالا نطور في برنامجك ونغير الديكور ونغير الضيوف اللي بصراحة كلهم موالين للنظام، بيقولوا حاجات ع الشاشة غير اللي بيقولوها في الفاصل».

وقالت: «رئيس الجمهورية بيقول إحنا عايشين أزهى عصور حرية الرأي والتعبير، ورئيس القناة كان بيقولي كل شوية خلي بالك انتي مذيعة محترفة، طالما أنا كدة يتم إيقافها بدعوى مخالفة القواعد المهنية، مخالفة تضحك، أنا في منتهى الذهول، جزء من شغلي ناس شافته وأشادوا بيه والكومنتات لصالح التليفزيون المصري ورفعت نسبة المشاهدة».

واعتبرت أن «العمل بمبدأ عاش الملك مات الملك منتشر في كل حتة البلد، حتى اتحاد الإذاعة والتليفزيون اللي هو نبض الناس، اللي الناس نفسها تشوفه محترم، وواحدة محترمة يكون جزاءاها الوقف عن العمل؟!.. السياسة دي خلت غالبية العاملين في ماسبيرو ماشين بمبدأ اربط كذا مطرح ما يحب صاحبه، ويقولك لا يجرالي زي ما حصل لهالة فهمي أو انتصار غريب، ويقولوا هما عاوزينا نكذب نكذب، ونناقش موضوعاتنا بسطحية، ليه كدة ليه كدة، وفي نفس الوقت يقولك التليفزيون بيخسر».

وأشارت إلى أنها في وقت الإخوان تعرضت للوقف عن العمل أيضًا، لأنها علقت على مهاجمة اثنين من أعضاء جماعة الإخوان في مجلس الشعب، ورفضت سبه للعاملين في ماسبيرو.

ولفتت إلى أن إجمالي راتبها في التليفزيون يبلغ 5 آلاف جنيه، بينما قالت: «هاني جعفر ليه رئيس قطاع القنوات الإقليمية لمدة 4 سنين معندناش رئيس قطاع بيقعد أكتر من سنتين، إيه سبب جلوسه على هذا المقعد، واتجدد له بالمخالفة للقانون لتجاوزه سن المعاش.. أقول للقيادات حسبنا ونعم الوكيل».

 

التعليقات
press-day.png