رئيس التحرير: خالد البلشي

Loading

أهم الأخبار

«#وحشتنا_يا_ماهر».. هاشتاج للتضامن مع مؤسس 6 إبريل: « الحرية للجدع إلي علمنا معنى الحرية»

 أحمد ماهر
أحمد ماهر

«العليمي» ينشر صورتين رسمتهما ابنه ماهر: رسمت الأولى وعرفت قد أيه صعب على أبوها يشوف دموعها فرسمت التانية فيها قلوب وبهجة

 

أطلق عشرات النشطاء هاشتاج «#وحشتنا_يا_ماهر»، للتدوين لدعم مؤسس حركة 6 إبريل المحكوم عليه بالسجن 3 سنوات بتهمة التظاهر، قضى منها سنتين في السجن.

وشارك زياد العليمي النائب البرلماني السابق، -في الفعالية التي انطلقت في العاشرة مساء، وتنتهي في الثانية عشرة الليلة-، بنشر صورتين رسمتهما ميرال أحمد ماهر، وقال: «الصورتين دول رسمتهم ميرال أحمد ماهر...

مامتها لما دخلت عليها وطلبت منها تشوف الرسمة اللي رسمتها لأبوها، قالت لها لسة ما خلصتش! ميرال الطفلة خبت الرسمة الأولى، ورسمت الرسمة التانية اللي فيها قلوب وبهجة، وكتبت لأبوها اللي عاوزة تكتبه، الطفلة عرفت قد إيه صعب على أبوها يشوف دموعها وهو عاجز إنه يكون معاها».

ورصدت «البداية» تعليقات على الهاشتاج تضامنا مع ماهر ورفاقه:

-الحريه للجدع الي علمنا معنى الحرية.

-أحمد ماهر فاضل له سنة كمان في السجن بعيد عن مراته وبناته

- أحمد ماهر عدي السنتين بعيد عن مراته و اولاده بسبب انوا متهم بالتظاهر اكتبوا عن احمد ماهر في هشتاج #وحشتنا_يا_ماهر

- قاوم واصبر على سجنك وسجانك... بكره تخرج وتشوف النور ويبقا مكانك

- #وحشتنا_يا_ماهر ما اعرفوش و لا عمري قابلتو بس ربنا يفك سجنو

- الحريه للجدع الي علمنا معنى الحريه.مع اختلافي معه الشديد في بعض المواقف

-#الحريه_لأحمد_ماهر واللي معاه #وحشتنا_يا_ماهر وكل الاحرار والحرائر

- أحمد ماهر واحمد دومة ومحمد عادل، اخدوا تلات سنين وفاضلهم سنة، احمد دومة عليه مؤبد في مجلس الوزرا!

-الحرية للي هتف يسقط حسني مبارك ولسا بيتعاقب عشان هتف يسقط السفاح

-تالت ذكرى ل 25 يناير هيقضيها #أحمد_ماهر في السجن.

التعليقات
press-day.png