رئيس التحرير: خالد البلشي

Loading

أهم الأخبار

زوجة أحمد ماهر في رسالة بعد عامين من حبسه: وحشتنا أوي بيتنا وحياتنا وذكرياتنا.. يا أعظم زوج وأرق حبيب وأحن اب

أحمد ماهر - يسقط قانون التظاهر
أحمد ماهر - يسقط قانون التظاهر

ريهام: ميرال بقا عندها 8 سنين وبتتمنى الزمن يرجع.. ونضال مش ناسي أول زيارة لك وهو بيشد فيك ودموعه وقهرته ماليه عنيه

كتبت ريهام إبراهيم زوجة المهندس أحمد ماهر مؤسس حركة 6 إبريل رسالة له بعد مرور عامين على حبسه قالت فيها "وحشتنا اوى بيتنا وحياتنا وذكرياتنا ، وحشنى احلامنا ، وحشتنا يا اعظم زوج وارق حبيب واحن اب"

وأضافت ريهام في رسالة كتبتها على صفحتها على فيسبوك مع اقتراب ذكرى الثورة التي كان أحد من دعوا لها" ميرال يا احمد دلوقتي عندها 8 سنين ، عدى اكتر من سنتين من عمرها وانت غايب عن تفاصيل حياتنا فى الواقع بس مش غايب عن احلامها بانك لو معانا ممكن تقول ايه او تعمل ايه ، كل يوم اجازه تقعد تفتكر لما كنت معاها وبتخرجها وتلعب معاها ، وتتمنى لو الايام ترجع والزمن يقف عند الايام دى

وعن حال نجله قالت زوجة ماهر في رسالتها " نضال قرب يكمل خمس سنين ، وقت أول زياره لينا ليك بعد الحكم ، كان مش عارف يتكلم اوى بس عمال يشد فيك عشان تطلع معانا ويحاول يجمع جمله " يلا بيتنا " واحنا بنشده منك ونقوله مش هينفع يجى معانا ودموعه و قهرته ماليه عينه ، من اللحظات الى عمره مانسيها ولما ابتدى يشك اننا عدت علينا ايام وانت معانا ، قعدت افكره بحاجات كتير كانت فى حياتنا وبابا معانا ، بقى كل شويه هو يحكيها لي عشان يفكر نفسه ويستجمع حبه ذكريات يعيش معاها .

وختمت ريهام الرسالة " مستنينك ، ربنا يجمعنا بيك قريب فى بيتنا الصوغنن"

‫#‏وحشتنا_يا_ماهر

‫#‏الحرية_لأحمد_ماهر

‫#‏الحرية_لرفيق_العمر

التعليقات
press-day.png