رئيس التحرير: خالد البلشي

Loading

أهم الأخبار

أكرم حسني: «تقل البنات على الرجالة تحول لكارثة.. وبلاش يعقدوا الارتباط عشان ميعنسوش»

أكرم حسني
أكرم حسني

قال الإعلامي أكرم حسني، مقدم برنامج «للرجال فقط» على إذاعة «نجوم إف إم»، مساء الثلاثاء، إن «تقل الستات على الرجالة تحول لكارثة، والبنت بتتكبر على الولد لما يعبر عن حبه لها، وبتحاول تثبت لنفسها أن لها مكانة كبيرة، وبتقعد تتكبر عليه».

وأضاف «حسني»: «البنات بتعقد الأمور لما الولد يكون عايز يرتبط بها رسمي، وبتخلي الأمر كأنه حرب، ولازم تقعد تأخد رأي صحابتها، وكل ده الولد المسكين الغلبان مستني أصحاب البنت عشان يأخدوا قرار لحياتها».

وتابع «تقل الستات تحول من صنعة إلى كارثة، مينفعش يبقى الولد مستني منك رد وأنت تبقي سخيفة وبايخة في الرد عليه».

وقال أكرم حسني إن «الرجال زهقت من البنات»، مضيفًا: «لازم البنات تسهل موضوع الارتباط، وبلاش تعقد الأمور وبلاش يقعدوا يتقلوا لأن ده هيخليهم يعنسوا.. البنات عليهم التعامل بجدية مع فكرة الارتباط، وألا يستهتروا بمشاعر الأولاد، وأن يقدروا رغبة الولد في الارتباط الرسمي».

واعتبر أن «البنت اللي مرتبطة بولد بتقعد تتقل على حبيبها، مثلا يبعتلها رسالة متردش عليه، أو مثلا تتأخر في الرد على التليفون، وعلى فكرة في 50 مليون بنت في مصر، وسهل الولد يروح من بنت للتانية».

التعليقات
press-day.png