رئيس التحرير: خالد البلشي

Loading

أهم الأخبار

باسم يوسف عن اتهامه بالتحريض على مصر: رفضت إخراج من هاجموني في لندن و«عرفت إنهم مزقوقين من أجهزة معينة»

باسم يوسف
باسم يوسف

باسم: كانوا خمسة أو ستة «مزقوقين وعمالين يغلوشوا عليا»..  والمحزن إن موارد البلد بتتصرف على بلطجية

 

 

رد الإعلامي باسم يوسف، على اتهامه بالتحريض ضد مصر، وكتب يوسف في ساب على «فيس بوك»، اليوم الخميس: «للتوضيح بس عشان اللي حصل في لندن، طبعا في عناوين بتقول إني عملت عرض مسرحي يحرض ضد مصر وفيه مصريين هاجموني وشتموني والكلام المحفوظ ده».

وأضاف: «الحقيقة إن دول كانوا عبارة عن خمسة أو ستة واضحين إنهم مزقوقين من الأول وعمالين يغلوشوا عليا من الأول، واللي يطّلع يقول أنا خاين واللي يطّلع يقول إن السيسي هو مصر ومصر هي السيسي واللي يطّلع يشتم، عرفت بعد كده لما وريت صورهم لناس أعرفهم في لندن إن دول محترفين غلوشة وبلطجة ومزقوقين من أجهزة معينة وبيكتبوا تقارير في المصريين اللي هنا، بل إن فيه واحد منهم معمولة محضر هنا عشان هدد واحدة من المتظاهرات قدام السفارة بالقتل».

وقال وسف: «المهم أنا رفضت أن يتم إخراج أي حد من العرض وكنت متوقع إن الموضوع كله معمول عشان يتم تصوير دقيقتين وينزلوا على النت وده فعلا اللي حصل بعد نص ساعة من نهاية العرض ونازل مع ترجمة وآخر حلاوة».

وأضاف: «المهم كان فيه ناس في المسرح مع النظام وضد النظام ولا حد حس إن فيه إهانة لمصر أو تحريض لأي حاجة، أنا بأطلع في سي إن إن وووسائل إعلام مختلفة لو عايز أحرض كنت حرضت من زمان، بالعكس الناس على اختلاف ميولها استمتعوا جدا».

وتابع يوف: «المحزن إن موارد البلد بقت تتصرف عشان حبة بلطجية يدفعوا تذاكر عشان ييجوا يعملوا حركات عيال ويغلوشوا زي بلطجية الافراح، أنا سعيد جدا بليلة إمبارح دي وباستقبال الناس ليا وياريت يتم توظيف موارد البلد في حاجات أحسن من كده».

 

 

التعليقات
press-day.png