رئيس التحرير: خالد البلشي

Loading

أهم الأخبار

باسم يوسف: لو فيه مؤامرة على مصر هاتعمل إيه أكتر من التعذيب والاعتقالات والتنازل عن الأرض وتخريب الاقتصاد

باسم يوسف
باسم يوسف

قال الإعلامي باسم يوسف إنه لا يؤمن بنظرية المؤامرة، لكنه تساءل «لو فيه مؤامرة فعلا على مصر، حتعمل إيه أكتر كدة»، في إشارة منه إلى تردي الأوضاع السياسية والاجتماعية في مصر.

وكتب باسم يوسف، في صفحته على «فيس بوك»: «طول عمري ماليش في نظرية المؤامرة. أصل لو فيه مؤامرة فعلا على مصر، حتعمل إيه أكتر من أنها تخرب الاقتصاد وت*** الجنيه وتصرف مدخرات البلد في مشروعات وهمية، وتروج لانجازات كفتة وتصدر أوسخ ما فيكي يا بلد في الإعلام وتقبض على الشباب في بيوتهم وتخلي منظرنا زبالة في العالم كله وتعذب أجانب ومصريين بدون تفرقة وتعتقل اللي بيطالب بوحدة الأراضي المصرية وتحمي مظاهرات رافعة أعلام دولة تانية وتحتفل بالتنازل مش بس عن الجزيرتين..».

وأضاف: «لكن بتخلي مصر عن مجرى ملاحي هو الأهم في المنطقة وتحويله لمجرى دولي وفقدان السيطرة عليه واستقبال وفد إسرائيلي صناعي لأول مرة والمطالبة علنا بتوسيع كامب ديفيد وتوقيع اتفاقيات تسمح بإثيوبيا أنها تتغول على ميه النيل واتفاقيات تضيع حقنا في الغاز مع قبرص وصرف أموال البلد في كمية سلاح إحنا مش محتاجينه ورمي جنود الجيش في كمائن ثابتة تنضرب تلاتين مرة وانهيار مرعب في الصحة والتعليم وإطلاق *** سعرانة اسمهم أمناء شرطة يقتلوا المواطنين. صحيح، المؤامرة ممكن تعمل إيه أكتر من كده؟ انتم المؤامرة».

 

التعليقات
press-day.png