رئيس التحرير: خالد البلشي

Loading

أهم الأخبار

باسم يوسف يوجه رسالة للسيسي بعد مهاجمة نقابة الصحفيين: «نظامك بيعتمد على بلطجية وهتيفة»

باسم يوسف
باسم يوسف

وجه الإعلامي باسم يوسف رسالة إلى الرئيس عبد الفتاح السيسي، بعد مهاجمة بلطجية لنقابة الصحفيين، قائلا: «ده نظامك، ودي قيمة الدولة اللي مرمغت كرامتها في التراب».

وكتب يوسف في حسابه على «فيس بوك»، اليوم الثلاثاء: «لما نظام بشرطته وإعلامه وأجهزته الأمنية وأجهزة دولته بقاله أكتر من أربع سنين بيعتمد على نفس الوشوش من مسجلين خطر وبلطجية الشوارع والهتيفة اللي بيتأجروا بالساعة يبقى ده فعلا هو قيمة النظام ده».

وأضاف: «نفس الوشوش اللي جت قدام مسرح سينما راديو نفس اللي نزلوا يتظاهروا باعلام دولة تانية وبيطالبوا بالتفريط في الجزر نفس اللي كانوا بينزلوا في مظاهرات عكاشة نفس اللي نزلوا رقصوا على سلم النقابة نفس اللي رايحين دلوقتي يهاجموا الصحفيين في النقابة».

وتابع: «نفس الوشوش ما اتغيرتش، والأسم "مواطنين شرفاء"، ده نظامك يا سيسي ، يا إما يستقوى على الناس وياخدهم بقوة السلاح من بيوتهم يا إما يطلق عليهم شوية شراشيح، دي قيمة الدولة المصرية اللي مرمغت كرامتها في التراب». 

التعليقات
press-day.png