رئيس التحرير: خالد البلشي

Loading

أهم الأخبار

سجين سياسي يروي وقائع تعذيب مروعة في سجن طرة: «فلكة» وضرب وتوصيف القتل «هبوط حاد».. والنيابة «عارفة»

ممدوح جمال
ممدوح جمال

كشف ممدوح جمال، المخلى سبيله بقرار رئاسي على ذمة قضية الشورى، عقب قضاء سنة في السجن، عن أحد أدوات التعذيب في سجن طرة، وهو مخبر المباحث بسجن القاهرة طرة تحقيق ويدعى محمد النجار أو أبو إسلام، أو مثل ما يطلق الجنائيين عليه "الأسد العجوز"، يبلغ من العمر 50 سنة، مسؤول "عنبر 1 شديد الحراسة" لمدة 15 عاما، ويضم العناصر الخطرة أو "أصحاب المشاكل" سواء سياسي أو جنائي، إلى جانب مسؤوليته عن غرف "تأديب" السجن .

وقال "ممدوح"، إن "النجار" يومه بيمر كالآتي "يصل السجن الساعة 8 صباحا أول حاجة بيعملها يدخل غرف التأديب ويجبر المسجون إن وشه يكون ف الحيطة ويضربه على "قفاه"، أو يمسك دماغه ويخبطها في الحيطة، وساعات بيدخل بالشومة وزي ماتيجي تيجي، وبعد كده يبدأ يعرض إنه ممكن يخرجك من التأديب حالا مقابل 500 جنيه، بعد كده يفتش الزيارات ويطلع من كل مسجون بمصلحة أقل حاجه علبتين سجاير بـ20 جنيها، ده بس عشان مايقلبش الزيارة على الأرض ويبهدلها ".

ويضيف: "يبدأ يقلب رزقه من ساكني زنزانة (الدواعي) شبه التأديب بس فيها (دورة مياه)، ويعرض على المساجين إنه يخرجهم مقابل مبالغ مادية ".

ولاختبار تهريب المخدرات بالمعدة أشار ممدوح: "بيشرب الجنائيين التركيبة عبارة عن زيت، صابون، طافيه سجاير، لبن، سكر، ف يستفرغوا قدامه، ويتأكد إنهم مش مهربين مخدرات في معدتهم، في ناس كتير اتقتلت بسبب التركيبة زي (كشري) (زنزانة 2/أ سرقة) شديد الحراسة، وبيتكتب هبوط حاد والحوار بيموت" .

وتابع:"بيدخل الجنائيين منور العنبر وبيجبرهم يقلعوا هدومهم كلها ويفلكهم بماسورة المياه أو خرطوم جلد".

وأوضح ممدوح: "الكلام ده ماسمعتوش من حد، شوفته بعيني 6 شهور تسكين ف عنبر 1 شديد الحراسة، ومعظم قضية الشوري شافته (كنوع من التكدير)"، مشيرا إلى أن "مصلحة السجون والنيابة العامة والمجلس القومي لحقوق الإنسان على علم بما يحدث، وبيتمرر عادي جدا"، مختتما "النجار زيه زي مجدي عبد الغفار كله واخد سلطات مطلقة وماحدش يقدر يحاسب حد" .

 

 

التعليقات
press-day.png