رئيس التحرير: خالد البلشي

Loading

أهم الأخبار

منع مالك عدلي من السفر صباح اليوم: ضابط بالأمن الوطني أراد تفتيشي .. وسألني شايل الدستور بتعمل بيه أيه

مالك عدلي
مالك عدلي

مالك تعليقا على إصدار قاضي تحقيق للقرار: واخد اخلاء سبيل بضمان محل إقامتي وقضيتي بتحقق فيها النيابة وأخدت ختم خروج أصلا

مالك عدلي: يبدو أن الشبح اللي بيطاردني مش عاجبه إني أشوف شغلي ومصالحي علشان أعرف أعيش وأربي بنتي

 

قال المحامي الحقوقي مالك عدلي إنه تم منعه من السفر صباح اليوم أثناء سفره لباريس.. وأوضح مالك عدلي لـ البداية أنه تم توقيفه في المطار صباح اليوم بعد ختم جواز سفره مشيرا إلى أن ضابط بالأمن الوطني استوقفه وطرح عليه مجموعة من التساؤلات .

وأضاف مالك عدلي أنهم أرادوا تفتيش حقيبته لكنه رفض وأن الضابط سأله عن سبب سفره فرد عليهم أنهم ليس من حقهم أن يسألوا عن ذلك، مشيرا إلى أنهم قاموا بمنعه بزعم وجود تشابه بين اسمه واسم شخص آخر. 

وحول منعه كتب عدلي على صفحته على فيسبوك «تقرر تسافر تخلص شغلك وورقك تمام تلاقي نفسك ممنوع من السفر بدون أية أسباب وتلت أربع ساعات من عمرك وجزء من فلوسك يروحوا في كلام فارغ وتلاقي كائن فضائي عايز يفتش الورق اللي في شنطتك تمنعه فيلمح كلمة "دستور جمهورية مصر العربية" فيقوللك شايل نسخة من الدستور تعمل بيها ايه ... مش عارف اشكرك ازاي يا مصر عالعطلة وعالخسارة ووقف الحال بصراحة .. والله ما قصرتي .. لله الأمر من قبل ومن بعد»

وتابع مالك عدلي في تدوينة تالية تعقيبا على أن قرار المنع صادر من قاضي تحقيق في قضية التحريض على التظاهر قائلا « جدير بالذكر اني واخد اخلاء سبيل بضمان محل إقامتي من محكمة الجنايات وان قضيتي بتحقق فيها النيابة مش قاضي تحقيق واني اصلا أخدت ختم خروج علي باسبوري بس يبدو ان الشبح اللي بيطاردني مش عاجبه إني أشوف شغلي ومصالحي علشان أعرف أعيش وأربي بنتي ... ممكن يا باشا لما تيجي تكدب تبقي تزبطها شوية علشان كده بهوئت منك؟؟»

 
التعليقات
press-day.png