رئيس التحرير: خالد البلشي

Loading

أهم الأخبار

بالصور.. طوابير أمام شركات إلحاق العمالة بالخارج.. وباحثون عن فرصة: مش عايزين غير قرشين ولقمة عيش

طوابير أمام شركات إلحاق العمالة بالخارج
طوابير أمام شركات إلحاق العمالة بالخارج

اصطف عشرات المواطنون، صباح اليوم السبت، أمام شركات العمالة المصرية بالخارج، في إطار بحثهم عن فرصة للعمل خارج مصر، لاسيما دول الخليج الذي مازالت تبحث عن العمالة المصرية.

ورصدت «البداية» وقوف العشرات على جانبي الطريق وأمام مكاتب تصوير المستندات، ما أدى إلى غلق الشارع الرابط بين كورنيش النيل وقصر العيني من ناحية جاردن سيتي.

وقال أحد الباحثين عن العمل، أنه يبحث عن فرصة عمل خارج مصر منذ فترة طويلة قائلا «بقالي شهور عمال أدور على فرصة، عايزين ناكل عيش والحياة هنا بقت ضيقة أوي، لا عارفين نكسب اللي كنا بنكسبه ولا نعيش حتى».

وأضاف الشاب الثلاثيني القادم من الدقهلية – والذي رفض ذكر اسمه –: «أول ما اتجوزت كانت العشرين والتلاتين جنيه دول يكفوا البيت يوم بليلة، دلوقت ولا أدهم مرتين تلاتة عشان نتغدى ونتعشي بس، وياريتنا عارفين نجيبهم».

 

وقال شاب أخر يدعى «أحمد سيد»، 24 سنة من البحيرة: «عندنا مفيش شركات عمالة كبيرة عشان كدة بنيجي القاهرة، بقالي سنة مخلص الجيش ومعايا دبلوم ومش عارف اشتغل فين، قالولنا تعالوا هنسفركم السعودية ولا الكويت تجيبوا قرشين، عايزين ناكل عيش بس».

وقررت الحكومة، تحرير سعر صرف الجنيه أول الخميس، ما أدى إلى ارتفاع سعر الدولار في المنافذ الرسمية واقترابه من حاجز الـ16 جنيها.

 

التعليقات
press-day.png