رئيس التحرير: خالد البلشي

Loading

أهم الأخبار

مالك عدلي: منعي من السفر بدون قاضي ولا قضية.. سيبونا ناكل عيش ونعيش حياتنا بكرامة من غير ما نشحت في الإشارات

مالك عدلي
مالك عدلي

قال المحامي الحقوقي مالك عدلي، عضو لجنة الدفاع في قضية «تيران وصنافير»، أنه توجه لمعرفة أسباب منعه من السفر، بعد توقيفه في مطار القاهرة خلال ذهابه إلى فرنسا قبل أسبوعين من الآن.

وكتب عدلي على صفحته، مساء أمس الأحد: «يا أي حد مسؤول عن البلد دي، أنا مواطن من مواطنيها بشتغل محامي وبعرف شوية انجليزي، وعندي شوية شغل مرتبطين بداه وبيكسبوني شوية فلوس يخلوني أعرف أعيش أنا ومراتي وبنتي».

وأضاف: «رحت أعرف أنا ممنوع من السفر ليه، إدوني الورقة دي(مرفقة)، لا قاضي ولا قضية ولا أي حاجة، أنا أضمن لحضرتك أنك لما تخرجني بره البلد دي هنساها وهنسي أني أحد مواطنيها أصلا بس عيب توصلني أني أعيش أنا ومراتي وبنتي بالدين علشان الناس خايفة توكلني علشان القضاة مبيحبوش وشي».

وتابع: شكرا لحضرتك لو سمحتلنا نمشي من هنا وأوعدك هنقطع الباسبور وهنقول إننا من الهند وشكلنا يجيب.. وإحنا غلطانين لحضرتك إننا يوما ما حلمنا بالبلد دي أفضل وحلمنا ليها بمكان أحسن، احنا آسفين حقك علينا سيبنا ناكل عيش ونعيش حياتنا بكرامة من غير ما نشحت في الإشارات، وربنا كريم ورزاق ومنتقم وأكبر من الكل.

وأخلت النيابة، سبيل مالك عدلي وأخرين بينهم الزميلين الصحفيين عمرو بدر ومحمود السقا، على ذمة قضية التحريض على التظاهر والمطالبة بمصرية جزيرتي تيران وصنافير.

 

التعليقات
press-day.png