رئيس التحرير: خالد البلشي

Loading

أهم الأخبار

فيديو.. التلفزيون المصري يعرض لقطات مصورة لحوار بين «ريجيني» قبل مقتله وممثل الباعة الجائلين

ريجيني
ريجيني

نشر التلفزيون المصري، لقطات مصورة، قال إنها لحوار دار بين الشاب الإيطالي جوليو ريجيني، وممثل الباعة الجائلين، قبل مقتل الأول.

وجاء نص الحوار كالآتي:

ممثل الباعة الجائلين: «يوم 5 مراتي عندها عملية شرطان، فبالنسبالي هشبط في أي حاجة المهم تيجي فيها فلوس».

ريجيني: «الفلوس مش فلوسي أنا مش ممكن استخدم الفلوس بأي صورة عشان أنا أكاديمي، ومش ممكن أكتب في الأبلكشن للمؤسسة في بريطانيا عايز استخدم الفلوس بصورة شخصية، مش ممكن، ولو حدث الحاجة دي فيها مشكلة كبيرة كبيرة بالنسبة للبريطانيين».

ممثل الباعة الجائلين: «طب مفيش سكة تانية، سكة فيها استخدام شخصي».

ريجيني: «مش عارف والله الفلوس من خلال بريطانيا والمركز المصري ومن المركز المصري ليا».

ممثل الباعة: «طب أنت حاول تظبطهالي عشان أنا حاسس إن المركز المصري ممكن يضحك علينا وميدناش حاجة».

فتابع ريجيني: «مافيش إمكانية شخصية بالنسبة لي، أنا ماعنديش سلطة في الموضوع».

ممثل الباعة : «الموضوع هيتأخر كتير، الوقت هيتأخر يعني؟».

ريجيني: «البريطانيين بياخدوا أفكار مشاريع كتير من كل العالم للحصول علي فلوس، مش متأكد، لازم نحاول، بس لو عندنا أفكار، أنت مثلًا أو تانين، لازم نحصل علي معلومات».

ممثل الباعة: «معلومات زي إيه طيب وأنا أجهزها وأشتغل عليها من دلوقتي».

ريجيني: «مثلًا  إيه المهم بالنسبة لك في النقابة، النقابة عايزة إيه، يعني إيه المهم مع 10 آلاف جنيه بالنسبة للنقابة، مثلًا تحتاج النقابة منا إيه مع الفلوس دي».

ممثل الباعة: «أنت برضه عايز مني أفكار».

ريجيني: «عايز منك أفكار، أي حاجة أي حاجة، بعد كدة ممكن نطور الأفكار».

ممثل الباعة: «هنستخدمهم في إيه»

ريجيني: «بالظبط بالظبط».

وفي 3 فبراير الماضي، عُثر على جثة طالب الدكتوراه الإيطالي جوليو ريجيني- باحث في اتحادات النقابات المستقلة،  بعد أيام من اختفائه، وعليها آثار تعذيب مروع، فيما اتهمت أسرته وزارة الداخلية المصرية بالتورط في مقتله.

 

التعليقات
press-day.png