رئيس التحرير: خالد البلشي

Loading

أهم الأخبار

أحمد فوزي: إلغاء «أون تي في» عقد خالد تليمة يبدو انه جاء بتعليمات أمنية لمجرد أنه لم يمدح ألمعية الرئيس ولا عبقرية قراراته

احمد فوزي
احمد فوزي

قال المحامي احمد فوزي القيادي بالحزب الديمقراطي الاجتماعي إن إنهاء عقد خالد تليمة جاء بدون اسباب واضحة لكن يبدو أنها تعليمات أمنية كغيرها .

كان خالد تليمة، قد قال عبر موقع التواصل الاجتماعي فيسبوك، إنه تم ابلاغه من قبل إدارة «أون تي في» بإنهاء علاقته مع القناة اليوم، دون إبداء أية أسباب.

وتساءل فوزي «ماذا كان يفعل فى الأصل خالد تليمة كان يعرض مشكلات تخص هموم المواطن المصرى اليومية مثل الدواء، انبوبة البوتجاز، الكهربا، و كان بيحرج المسئول من دول لانه بيسأله اسئلة صعبة شوية».

وتابع فوزي  «هل ضبط خالد متلبسا مثلا بانه انتقد سياسة الدولة العليا؟ أبدا، بالعكس ضبط خالد متلبسا احيانا بانه بيمسك نفسه فى قضايا كبيرة ميقولش رايه فيها» وأكد فوزي أنه نصحه بذلك لان ده فى الاخر اكل عيشه، ملمحاً إلى أن السبب أن خالد مقامش مرة مثلا مدح فى عبقرية السيد الرئيس و لا ألمعية قرارته ده فى حد ذاته و لكون خالد منتمى لفسطاط يناير يجعله عرضة للانتقام »

وتأسف أحمد فوزي من بعض الشامتين من استبعاد خالد تليمة متابعا «المؤسف ان هناك من فسطاط الثورة و القوى التقدمية بره الاخوان اللي اصلا بيشمتوا فى المطر و الريح و الصخر شمتوا فيه، ليه لاننا بقى فينا ناس التفاهة و السخف و العدمية عندهم ملهاش حدود و حاجة تانية انى الناس مش قادرة حتى تبقى بنى ادميين يعنى خالد ده مثلا اتقطع عيشه حد فيهم حيشوف له شغل لا حد من الناس دى لو فى شغله مثلا اضطر يتعامل مع واحد فاسد او منحط او يقول كلمتين محبة لناس اقل بكتير من رئيس الجمهورية او حتى ميفتحش بقه و يسكت او مرتاح و مش قاعد فى البلد من بابه»..

وأعلن فوزي تضامنه مع خالد تليمه قائلا «شد حيلك يا خالد ومسيرها تروق و تحلى علينا جميعا و قضا اخف من قضا انت ليك زمايل فى السجن، و اللي متشرد و اللي اترفد، ربنا يهون على الجميع و يطلعنا من السرايا الصفرا دى مجانين ممكن نتعالج مستقبلا ميحكمش علينا بالعته الدائم»

التعليقات
press-day.png