رئيس التحرير: خالد البلشي

Loading

أهم الأخبار

هاشتاج #زيزو_عبده_مهربش تريند.. وتعليقات: كان عند الداخلية لما الداخلية اتهمته بالهروب من الداخلية.. «واقع مش نكتة»

زيزو عبده
زيزو عبده
 
 
أنهى رواد التواصل الاجتماعي فيسبوك وتويتر حملة التدوين للناشط السياسي، زيزو عبده، عضو حركة 6 إبريل، على هاشتاج #زيزو_عبده_مهربش، التي تم الدعوة إليها اليوم من الساعة 8 وحتى 10 مساءً، قبيل نظر جلسته صباح الغد، بمحكمة جنايات جنوب الجيزة.
وكانت نيابة جنوب الجيزة للأحداث الطارئة، قد قررت التحفظ على عبد العظيم فهمي الشهير بـ"زيزو عبده" وعرضه على دائرة جنايات غدا الثلاثاء، للنظر في التدبير الاحترازي ومخالفة تنفيذ القرار السابق.
 وكان مختار منير، المحامي بمؤسسة حرية الفكر والتعبير، قد قال إن النيابة قامت بتوجيه تهم لزيزو، تمثلت في مخالفة قرار المحكمة، وعدم تسليم نفسه لقسم الشرطة للمراقبة، رغم أن قوات الأمن، كانت قد ألقت القبض عليه، وأخرين، وهو ما ترتب عليه عدم حضوره لموعد التدابير الاحترازية"
ومن تغريدات رواد مواقع التواصل الاجتماعي خلال حملة التدوين، قالت روكسانا ناجح: "بكره جلسة زيزو قدام حسن فريد.. دائرة ارهاب في معهد الامناء بطرة. زيزو مظلوم والدنيا جت عليه جامد والحياة من كل جوانبها اتغيرت حواليه، حتى انا عندي احساس بالتقصير ناحيته مش طبيعي. هو مش حمل حبسة تاني وظلم تاني، المرة اللي فاتت حاسب ع اختياره انه يقول الارض مصرية وانه يبقى له صوت وحتى ده ماكانش يستاهل ظلمه، المرة دي هو فعلا هيحاسب ع مشاريب مش مشاريبه تماما وده ظلم بين واكتر من اي وقت. مفيش في وسعنا الا الدعاء والصلاة والكتابة عنه".
وكتبت هاجر أحمد: " زيزو كان عند الداخلية في نفس الوقت اللي الداخلية اتهمته فيه بالهروب من الداخلية ده واقع مش نكته".
وكتب المحامي إسلام سلامة: " بكره عنده جلسه بكره وممكن يتحبس بسبب ظلم واقع عليه بعد ما كان بقاله 5 شهور بيقضي تدابير ومحافظ عالحضور لحد ما اتأخر فيوم عشان كام اتقبض عليه لمدة ساعتين وخرج"
وقالت نهال عبدالله: "  وقت اتفاقية ترسيم الحدود بين مصر والسعودية اللي تضمنت التنازل عن جزيرتي تيران وصنافير، غار علي أرضه زيه زي كتير أوي مش سامحين بالتفريط في تراب البلد دي.. دافع عن الأرض فاتقبض عليه!  زيزو خرج اخلاء سبيل بعد ما قضي شهور في السجن.. بس فضل عليه تدابير احترازية بإنه لازم يثبت حضور في القسم لعدة ساعات لأيام معينة في الأسبوع ودة أدي لشلل تام في حياته!  يوم الأربع اللي فات كان عنده زيارة للقسم الساعة 4 بس الساعة 3 جم أمن الدولة وقبضوا عليه هو وخمسة تانيين معاه غموا عنيهم واستمروا في تحقيقات لمدة 6 ساعات لغاية ما اطلقوا سراحهم الساعة تسعة... زيزو راح القسم عشان يقولهم انه اتأخر عن التدابير بسبب ان امن الدولة قبض عليه لكن هما كانوا عملوله قضية هروب من التدابير ومفيش حاجة تثبت ان امن الدولة خطفوه وقتها لمدة 6 ساعات!!  للسبب دة النهاردة زيزو محبوس بقاله 3 أيام وفي انتظار الجلسة بكرة عشان تقرر مصيره، اكتبوا عنه وعرفوا الناس كم القهر والقرف في البلد وصل لأي مدي".
وغردت لبنى بداروي: " الشاب إلي إلتزم بالقانون بحذافيره و كان بيسلم نفسه في المعاد بقالُه خمس شهور ، جت الداخلية خطفته كام ساعة بما يخالف القانون و بعد ما سابته راح القسم. لقى محضر معمول له بالهرب و حبسته."
وقال المحامي مختار منير: " زيزو عبده فعلياً مخرجش من يوم ١٥ إبريل ٢٠١٦ من الحبس،  عاش مطارد ، ومحبوس إحتياطي ، وبيقضي تدابير احترازية ، ثم محتجز داخل قسم بولاق ، ثم بكرا جلسة ممكن ترجعه السجن تاني، إدعموا زيزو في الحصول علي حريته" 
 
التعليقات
press-day.png