رئيس التحرير: خالد البلشي

Loading

أهم الأخبار

إسراء عبدالفتاح لـ«السيسي» بعد هاشتاج مش عايزينك: تقدر تواجه معارضيك؟.. عمر التصوير والتصقيف ما غطى على الواقع (فكَر تاني)

اسراء عبد الفتاح
اسراء عبد الفتاح
إسراء: تقدر تعمل جلسه عن ليه #مش _عايزينك  بقي الاول علي مصر والرابع علي العالم بعد ساعة من كلامك علي الانتخابات
 
زي ما بهاجمك وبجد #مش_عايزاك تكمل بحاول اقولك كلام عاقل وموضوعي يمكن ت #فكر_تاني
 
 
 
وجهت الناشطة إسراء عبد الفتاح، رسالة إلى الرئيس عبد الفتاح السيسي بمناسبة الدورة الثالثة لمؤتمر الشباب المنعقدة في الإسماعيلية، وتصدر هاشتاج مش عايزينك، متسائلة «اللي بيعارضوك، يقدروا يخشوا المؤتمر؟ هتديهم الميكرفون؟ هتقعدهم علي المسرح؟ عندك رد علي الانتقادات اللي هيقولهالك؟ انت قد مواجهتهم؟
 
وقالت إسراء عبد الفتاح في رسالتها للسيسي : "تقدر تعمل جلسه عن ليه هاشتاج #مش _عايزينك  بقي الاول علي مصر والرابع علي العالم بعد ساعة من كلامك علي الانتخابات".
وتابعت: " زي ما باهجمك وبجد #مش_عايزاك تكمل بحاول اقولك كلام عاقل وموضوعي يمكن ت #فكر_تاني.. بس تأكد عمر الكلام والتصوير والتصقيف ما بيمنع الناس تشوف الواقع".
 
وإلى نص تدوينة إسراء عبد الفتاح:
 
معرفش اذا كان السيسي ممكن يسمع صوت أي حد من اللي #مش_عايزينه ولا لا بس قلت يمكن أي حد من ولاد الحلال ياخدها برنت سكرين ويبعتها له، حلو أوي شغل المؤتمرات والمحاكاة وإنك تسمع الناس ويحوطوك ويصقفولك، وانك تعطي انطباع لشعبك وللعالم بره اننا في مجتمع ديمقراطي، بس ده ممكن يمشي مع اي حد بيحب يتفرج بس يسمع وبس يصقف وبس
لكن لو حد بـ فكر تاني و بيقارن الشو الاعلامي الجميل ده بالواقع المحصلة هتبقي " صفر "
فين اللي بيعارضوك ؟؟ يقدروا يخشوا المؤتمر ؟؟ هتديهم الميكرفون ؟؟ هتقعدهم علي المسرح ؟؟؟ عندك رد علي الانتقادات اللي هيقولهالك ؟؟؟ انت قد مواجهتهم ؟؟؟
تقدر تعمل جلسه عن ليه هاشتاج #مش _عايزينك  بقي الاول علي مصر والرابع علي العالم بعد ساعة من كلامك علي الانتخابات
يمكن تلاقي كلمهم صح !!؟؟ يمكن تلاقي عندهم حل لل كوارث ال بتعملها في البلد وخاصة في ملف الحريات والديمقراطية !!!
يمكن تحاول تلحق نفسك قبل ما الموضوع يخرج بره الهاشتاجات !!!!
زي ما بهجمك وبجد #مش_عايزاك تكمل بحاول اقولك كلام عاقل وموضوعي يمكن ت #فكر_تاني
بس تأكد عمر الكلام والتصوير والتعريض والتصقيف ما بيمنع الناس تشوف الواقع
تقدر تعمل مؤتمر زي ده في العشوائيات في اماكن مفهاش صرف صحي ولا كهرباء ولا مياه
تقدر تعمله في سيناء وتقول ان ١٪‏ بس اللي من سيناء في خطر زي ما قلت في مؤتمرك
تقدر تعمله في الجامعات وتسيب الطلبة تقولك كل اللي في نفسها
تقدر تعمله في مستشفي تبع التأمين الصحي في اي منطقة عشوائية ؟؟
ياريت السادة المخبرين اللي قائمين علي متابعة حسابي انقلوا له كلامي في الخير المرة دي لعل وعسي تحصل اي معجزة ويقرا وي #فكر_تاني
 
التعليقات
press-day.png