رئيس التحرير: خالد البلشي

Loading

أهم الأخبار

هاشتاج #مش_طابونة الأكثر تداولاً على «تويتر»: تخطينا المرحلة دي من زمان.. واسأل حبيب العادلي ولصوص مبارك

تصدر هاشتاج #مش_طابونة  الأكثر تداولا على موقع التواصل الاجتماعي "تويتر"، اليوم الاثنين، وذلك بعد تصريحات الرئيس عبد الفتاح السيسي أثناء زيارته لمحافظة قنا لافتتاح عدد من المشروعات التنموية بالصعيد إلى من يأخذ أراضي الدولة وضع يد "ماحدش ياخد حاجة مش بتاعته هي مش طابونة".
 
 
 
وقال جمال عيد، "مصر #مش_طابونة، واسأل حبيب العادلي ولصوص مبارك، بكره يمر شهر على حكم سجن العادلي ضعوا صورته في البروفايل بكره، فكروهم وافضحوهم".
 
 
 
وقال هاني، "#مش_طابونة لما يكون العسكر مستولي على 65% من الاقتصاد المصري ولا يدفع مستحقات الدولة.. مش طابونة يا سيسي".
 
 
 
وقال هاني كاشف، "بلد يبلغ فائدة ديونها ٣٨١ مليار جنيه يعنى لازم كل يوم تدفع اكتر من مليار جنيه فى اليوم فوائد غير اصل الدين يبقى أكيد #مش_طابونه".
 
 
 
وقال عثمان على، "هي فعلا #مش_طابونة هي تخطت المرحلة دي من زمان هي مزرعة الحيوان كما وصفها جورج أورويل".
 
 
 
وقالت الثورة الحرة، "صباح الخير من أم الدنيا واللي كانوا من سنتين مستنينها تبقا اد الدنيا ومعاهم بقت شبة دولة ووصلنا لطابونه لسه هيدخلنا الفرن الصبر #مش_طابونه".
 
 
 
وقال محمد الشاعر، " #مش_طابونه لا هى طابونة والشعب محطوط فى خلاط العجين".
 
 
 
وقال حسام كمال، "#مش_طابونه للشعب لكنها طابونة بالنسبة للواءت العسكرو الداخلية".
 
 
 
وقال كيمو عبد الكريم، " هى مش طابونة فعلا,هى عزبة ليك ولعشيرتك من اللواءات والقيادات والظباط والبهوات والباشوات واصحاب المقامات اللى ماحدش يقدر يكلمهم #مش_طابونه".
 
 
 
وقال بوخومار، "لما يكون العسكر مستولي على أكتر من 70% من شركات واقتصاد الدولة وما بيدفعش لا فواتير خدمات ولا عمالة ولا طرق ولا يحزنون.... #مش_طابونه".
 
 
 
 
 
وكان الرئيس عبد الفتاح السيسي، أمس الأحد، أثناء زيارته لمحافظة قنا، وجه رسالة خلال افتتاح السيسي لعدد من المشروعات التنموية بالصعيد إلى من يأخذ أراضى الدولة وضع يد "ماحدش ياخد حاجة مش بتاعته هي مش طابونة".
 
 
وأضاف السيسي، "آخر الشهر استعادة الأراضي باكامل، اللي عايز يدفع أهلا وسهلاً، لينا سنة ونص في إجراءات إدارية".
 
 
وتابع: "والله العظيم ولا فدان واحد، الموضوع في يد الجيش والداخلية".
 
وجاء ذلك خلال افتتاح السيسي لعدد من المشروعات التنموية بالصعيد، ويأتى على رأسها «مشروع الـ 1.5 مليون فدان» ومشروع «صوامع القمح بقرية المراشدة»، التابع للشركة المصرية القابضة للصوامع والتخزين، إضافة إلى تفقد آخر التطورات بمشروع «المثلث الذهبي».
 
التعليقات
press-day.png