رئيس التحرير: خالد البلشي

Loading

أهم الأخبار

بالفيديو.. كلمة مرتضى منصور خلال لقائه مع سلامة.. ونقيب الصحفيين: ادعوك لزيارة النقابة.. الناس محتاجة ناس بتبني

رئيس الزمالك يهاجم الوطن ويشير لـ لميس بانها شغالة تبع الراجل بتاع الوطن ويعتب على قلاش تدخله لمساندتها

سلامة لرئيس الزمالك: اشكرك على فهمك للدور الإجتماعي للنادي.. ونرفض أي إساءات طالما خرجت عن حدود النقد المُباح

 

نشر مرتضى منصور رئيس نادي الزمالك فيديو للقائه مع نقيب الصحفيين مساء أمس بنادي الزمالك،على حسابه على فيسبوك، وتضمن الفيديو الذي تم نشره تحت عنوان نقيب الصحفين «ماحدث في الزمالك انجاز كبير وادعو مرتضى منصور لزيارة نقابة الصحفيين» كلمة وجهها مرتضى للنقابة والصحفيين ورد سلامة عليه ودعوته لزيارة النقابة.

توجه وفد من مجلس نقابة الصحفيين، أمس السبت، إلى مقر نادى الزمالك، للقاء رئيس نادي الزمالك، لحل المشاكل المتراكمة والحصول على عضويات الصحفيين. وترأس الوفد عبد المحسن سلامة نقيب الصحفيين، وحسين الزناتى وأبو السعود محمد عضوي المجلس.

وقال رئيس نادي الزمالك، "إنه يرحب بنقيب الصحفيين والكاتب الصحفي المرموق فى الأهرام عبد المحسن سلامة".. مضيفا "قلت قبل كده وبقولها تاني رئيس نادي الزمالك مش فوق النقد، وهناك خيط رفيع بين النقد والشتيمة، حضرتك لما تقول رئيس نادي الزمالك جربوع أو جربان يبقى ده مش نقد دي شتيمه، لما تقول رئيس نادي الزمالك مفصول من القضاء مع إنى مستقيل من المنصة سنه 84 في استقالة عالمية في الوقت اللّى مكنش حد بيقدر يتكلم مع حسني مبارك وكان بقاله 4 سنين ده ميبقش نقد، إحنا كدا داخلين في مجال الشتيمة".

وتابع مرتضى في كلمته قائلا " أنا أنتمي للصحافة من قبل اللّي بيشتموني بكتير، يعني أنا من 69 إلى 70 رئيس جماعة الصحافة في كلية حقوق وفي جامعة عين شمس ورئيس تحرير مجلة الكلية ورئيس تحرير الجامعة وأربع سنين بدرب في مؤسسة أخبار اليوم، فأنا بنتمي للصحافة زي انتمائي للقضاء وللمحاماة، ولما كنُت قاضي ووكيل نيابة كنُت بقعد في نقابة الصحفيين مش نادي القضاء، وكنُت بحضر جميع انتخابات النقابة، أنا معنديش مانع أن حضرتك تتنقدني بس اللّى بيصعب عليا أن أنا بتحمل مسئولية النادي اللّى واخده كان مديون بـ 6 مليون النهارده في خزينته 52 مليون جنيه".

وأضاف منصور،  "مش عاوزك تشكرني عاوزك تسبنى أشتغل بما يرضى الله وبعد لما أخلص الـ 4 سنين لو حضرتك شايف أني مقصر قول للناس متنتخبوش الراجل ده الكلام واضح أهو، أنما شتيمه كل يوم زي واحد يكتب أول امبارح كاتب مقال بدون مناسبه علشان زميله صحفى محترم المتحدث الرسمي باسم الاهرام (مرتضى منصور يهدم النادي واستقرار النادي) وده اسمه كلام يا رجل، دأنا جيت خدت 4 كأس وسوبر ودوري فى سنه ونصف غير بطولات اليد والسلة، فأنا بزعل".

وتابع مرتضى موجها حديثه للمجلس: "المكان اللّي أنتم فيه ده مجلس نقابة الصحفيين من وجهة نظري هي مش نقابة الحريات بس، أنت أخطر من قاضي، القاضي حكمه مش بيعرفه إلا 100 واحد فى القاعة أنت حكمك ملايين بيعرفوه، والطلقة اللّى بتنضرب منك مش بتتعوض يمكن القاضي أقدر أعمل ادامه استئناف أو نقض أقدر أعوض، لكن الصحفى بمجرد ما بيكتب دي طلقة انضربت خلاص فلان حرام يبقى حرامي فلان جربان يبقى جربان فدي مسئولية كبيرة".

وأردف "في بلاغات كتير اتقدمت في المجلس السابق لنقابة الصحفيين، ضد جورنال زي الوطن، الوطن عملت عليا حوالي  28 عدد خاص، دي من الصحافة اللّى بتصفي حسابات علشان أنا قلت لمذيعة شغاله تبع الرجل بتاع الوطن ويمكن ده عتبِ على يحيي قلاش حضرتك دخلت الخناقة ليه، أنا باتخنق مع محمد الأمين، حضرتك مالك".

وعن العضويات، قال رئيس الزمالك "أنا جالي فاكس من النقابة بالأعداد، كلها حوالي 500 اسم، هاخدهم في ماعدا 3 أو 4 دول مش أعضاء نقابة، وخلينا نتعمل مع النقابة الشرعية لأنى بدعم عبد المحسن سلامة دعم كامل لأنى بتابعه فى مقالاته، وأهلا بيك وبمجلس النقابة".

 

ورد عبد المحسن سلامه، نقيب الصحفيين، قائلا"أنا سعيد الحقيقة  بالجولة اللّى عملتها فى نادي الزمالك، وكانت مفاجأة ليا انى شاهدت كل هذه الانجازات على أرض النادي، مكنتش متخيل الوضع كما رأيت، وده مهم جدًا لاننا بنشجع كل واحد بيشتغل فى البلد دي، برافو عليك استمرار لان البلد محتاجه فعلاً للناس بتبنى علشان نعوض اللّى فاتنا، وبنتكلم على قطاع مهم اللّى هو قطاع الرياضة والشباب»

وتابع عبد المحسن سلامة «الحقيقة أنا بشكر سيادة المستشار على فهمه للدور الاجتماعي للاندية الرياضية بالذات فى الوقت الحالى لأنى شايف حالة صراع رهيبة جدًا على فكرة رفع الاشتراكات بشكل رهيب وده بيؤدي للاسف لخروج طبقة مهمه جدًا اللّى هي الطبقة البسيطة صلب المجتمع وده بيدور الانداية، احنا صحيح عايشين مستورين وده شئ كويس، لكن فى الاخر ليس من أصحاب رؤوس الاموال، فلما أجي الاقى النادي بيقولى أنا هأخد مئات الألاف من الجنيهات ده بيكون شئ مزعج جدًا بصراحة لأنه بيرخ كل هذه الفئات الطبقة المتوسطة اللّى أنا دايما بقول عليها انها قلب أي مجتمع فى طبقة عالي بس قله وفى طبقة فقيرة وبرضه قليلة لكن الطبقة البسيطة لازم نراعيها بشكل قوي جدًا وعلشان كده أنا بقول انى بحيي سيادة المستشار على رأيته وفاهمه بالدور الاجتماعي للانداية وسعيد بذلك".

وأوضح سلامة، "أما فيما يخص العلاقة بين الصحافة والرياضة وبين الصحافة وسيادة المستشار فأنا بتصور إنه قال كلام منقدرش نقول عليه حاجه لانه رحب بالنقد، لكننا بنرفض أي إساءات غير مبررة طالما خرجت عن حدود النقد المُباح، لكن فى الاخر نحن لا نستطيع أن نسكت أحد، ونحن نرحب بأي شكوى من أي ومواطن يكون له حق، أن شاء الله لما تكون الزيارة الأولى وبدعوك لزيارة النقابة الاسبوع المقبل فى سهرة رمضانية".

التعليقات
press-day.png