رئيس التحرير: خالد البلشي

Loading

أهم الأخبار

بعد احتجازه.. هاشتاج #متضامن_مع_خالد_علي يتصدر مواقع التواصل: من أنضف الناس والفعل الفاضح بتعمله الحكومة كل يوم

خالد علي
خالد علي
تصدر هاشتاج "#متضامن_مع_خالد_على"، موقعي التواصل الاجتماعي «فيس بوك وتويتر»، اليوم الثلاثاء ، وذلك بالتزامن مع  قرر النيابة العامة باحتجاز المحامي الحقوقي ووكيل حزب العيش والحرية، خالد علي، لحين استكمال التحقيقات غدًا، وعرض مقاطع الفيديو المنسوبة له على الأدلة الجنائية.
 
وقال مالك عادلى، المحامي الحقوقي، "نيابة الدقي قررت احتجاز الأستاذ خالد علي لصباح الغد لحين ورود التحريات في الاتهام المفبرك الموجه له ولحين ورود تقرير الأدلة الجنائية عن الفيديو المصطنع أيضا واللي مفروض يبقي موجود قبل توجيه أي اتهامات أصلا.. اللي بيحصل دا آخرته وحشة.. ورسالة يا احنا يانتوا دي مبتدخلش دماغنا ..والإجابة دايما إحنا ان شاء الله".
وقال جمال عيد، "النظام المصري ينتقم من المرشح الرئاسي الأسبق الحقوقي خالد علي، عبر تحقيق غير قانوني، مصر دولة بوليسية".
وقالت منى سيف، "حاولوا يطرمخوا على سمسرة الأرض، المحامين والجدعان والجدعات وقفولهم".
وتابعت: "حبسوهم عشان يكملوا عملتهم، برضه الناس وقفتلهم والمحامين كملوا شغلهم وربنا وقفلهم قاضي مجلس دولة قرر يشوف شغله ويقيم العدل والحق".
واستكملت: "فداروا يلموا كل الشباب من البيوت، ودلوقتي بيحققوا مع خالد على وهيحتجزوه الليلة دي عشان بلاغ معفن من راجل كل يوم بيضرب حد بلاغ".
واختتمت: "كل اللي بتعملوه بيزود من ثقل وأهمية اللي خالد علي بيعمله لكل نفر فينا ولمستقبل بلد بنحاول ننقذ اللي نقدر عليه منه ونخفف الحمل على الأجيال اللي جاية، شكرًا خالد علي يا مجدع".
وقالت ليليان داود، "النيابة قررت حجز خالد علي لعرضه على مصلحة الأدلة الجنائية مع الأدلة المقدمة ضده. #تيران_وصنافير_مصرية #متضامن_مع_خالد_علي #خالد_علي_يامجدع".
وقال مختار منير، "حجز خالد علي المحامي لباكر وعرضه رفقة التحريات وتقرير الأدلة الجنائية.. الدولة في أحقر أوقات جنانها".
وقال أحمد رجب، "احتجاز خالد علي المرشح الرئاسي المحتمل لانتخابات 2018، للتحقيق في اتهامات وهمية هو نتيجة مباشرة للدعم الذي حصل عليه السيسي من ترامب أمريكا".
وقال محمد جارحي، "أيه الجنون ده؟؟ الفعل الفاضح الحقيقي مش حبس خالد علي.. هو بيع تيران وصنافير.. هو البجاحة السياسية والفجور اللي بيعمله النظام دلوقتي".
وفي حوار مفترض، قال أحمد ماهر، 
"- مفيش مظاهرات، عندكم الانتخابات ادخلوها وغيروا من داخل النظام، احنا عندنا ديمقراطية. 
= طيب
- بس اللي هايفكر ينزل قصاد الريس هانحبسه؟".
 
وقال عمرو الهادي، "نظام عبد الفتاح السيسي يحتجز خالد علي مرشح المعارضة المحتمل للرئاسة بدعوى قيامه بـ"إشارة بذيئة" قبل 5 أشهر #فعل_فاضح_في_الاتحادية".
وقال محمد عادل، "جه اليوم إللي نقف فيه ورا خالد بعد ما كان في ضهر كل واحد فينا لحظه ما يتم القبض علينا.. متضامن مع خالد على".
وقال بهى الدين حسن، "#متضامن_مع_خالد_علي ضد اشارة السيسي البذيئة لشعب #مصر".
وقالت حركة شباب 6 إبريل، " علي نظام السيسي أن يفرج فورا عن المرشح الرئاسي خالد على وكل أعضاء حملته الإنتخابية فورا أو يعلن أنها بدون إنتخابات مجددا في #مصر".
وأضافت: "انهم لا يطيقون ان ينبعث الأمل ممن دافع عن الارض و يذكرهم كل لحظة بخيانتهم للوطن #متضامن_مع_خالد_علي".
 
 
 
 
وقال محمود محمد، "حجز خالد علي عار يلاحقكم.. #متضامن_مع_خالد_علي".
وقال طارق حسين، "المحامي خالد علي والحقوقي ومرشح رئاسة الجمهورية هيتحجز في القسم علشان بلاغ من محامي امنجي وحبيب العادلي الدولة تهربوا من حكم ٧ سنين بالفساد".
وقال الدكتور سيف عبد الفتاح، "#متضامن_مع_خالد_علي ضد الدولة البوليسية".
وقال حسن على، "#متضامن_مع_خالد_علي بما ان مقدم البلاغ هو سمير صبري متعهد البلاغات الكاذبه ضد الشرفاء فالمساله واضحه وخالد علي واحد من هولاء الشرفاء".
وقالت عزة، "الأستاذ خالد على من انضف الناس فى البلد و الفعل الفاضح ده إللى بتعمل الحكومة كل يوم #متضامن_مع_خالد_على".
وقال جلال، " مره واحد دكر قال و أثبت ان #تيران_وصنافير_مصرية، قام واحد تاني راح لـ طال عمره اخد
شوالين رز ورجع حبس الواحد الأولاني #متضامن_مع_خالد_علي".
وقالت سالى سليمان، " بغبائكم سوف ننتصر #متضامن_مع_خالد_علي".
وقررت النيابة العامة احتجاز المحامي الحقوقي ووكيل حزب العيش والحرية، خالد علي، لحين استكمال التحقيقات غدا وعرض مقاطع الفيديو المنسوبة له على الأدلة الجنائية.
 
واستقل خالد علي، عربة الترحيلات في طريقه إلى قسم الدقي، بعد أن وصلت قوة من القسم إلى مقر النيابة لاصطحابه.
 
التعليقات
press-day.png