رئيس التحرير: خالد البلشي

Loading

أهم الأخبار

الصحفي محمد حسن في رسالة من محبسه بعد 9 شهور من حبسه احتياطيا: لهذه الأسباب اضربت عن الطعام لحد ما أخرج أو أموت

محمد حسن
محمد حسن
 
أرسل الصحفي محمد حسن، رسالة، من محبسه، حول تسعة أشهر قضاها في الحبس الاحتياطي وما يتعرض له من انتهاكات داخل سجن طرة.. مشيرًا إلى أن هناك حالة تعنت تمارس ضده تحول دون إخلاء سبيله رغم ورود تقارير رسمية تفيد بعدم نشره أخبارا كاذبة.
 
وقال محمد في رسالته "9 شهور. حبس احتياطي من غير سبب أو دليل علي التهمة الموجهه اليا بنشر أخبار كاذبة والانضمام للاخوان، 9 شهور والنيابة العامة بوسط القاهرة متعنته معايا وبترفض إخلاء سبيلي رغم ورود (تقارير)من وزارة الدخلية تفيد بعدم وجود أي أخبار أو نشر أخبار كاذبة ليا (دي التهم إلي متوجهه ليا)ومع ذلك النيابة العامة بترفض وبتصر علي موقفها ضدي مع ان دة مخالف للقانون وللدستور الذي بينص علي اخلاء سبيل المتهم في حاله ودورداو اثبات عدم تورطة في التهم المنسوبه البة أو اذا كان ليه محل اقامة ثابت ومعلوم أو وظيفة حتي ظابط الامن الوطني جة وقال وقال في التحقيقات اني كنت فطور الانضمام للاخوان اوكنت ناوي انضم ،انا فخور اني اصغر مصور صحفي في مصر وممكن دي تكون تهمتي الوحيدة الي انا بتعاقب عليها ومسجون في طرة تحقيق مجرد رقم في ورق".
 
وأضاف "أنا مشارك في اضراب عن الطعام والتريض الي سجن طرة تحقيق عمله بسبب: 1_كثرة الانتهاكات الي بنتعرض ليها بدون سبب 
2_كثرة الانتهاكات الي بنتعرضلها من غير سبب.. 3_ اقتياد المساجين الي التأديب بدون سبب واجبارهم علي حلق رؤسهم بدون وجه حق لمدد غير محددة 
4_الاهمال الطبي 5_معاناة الاهالي في الزيارة ومعامله غير ادامية لهم من قبل ادارة السجن".
وتابع "أنا بعاني من الآلام في العمود الفقري بقالي شهر ونص وكل لما أطلع العيادة يتكتبلي دوا من غير كشف (دوا بياخدة كل واحد تعبان لكل الامراض)
كل اللي فات ده يهون قدام نظرة أمي في آخر لحظات في الزيارة وهي ماشية ومش قادرة تعملي حاجة احساس الضعف والقهر لابنها الي عندة 19سنة بسبب انه بيحب التصوير انا كل يوم بموت وانا بعيد عنها". 
 
واسترسل "مكمل الاضراب بتاعي لحد ما اخرج أو أموت واترحم من اللي أنا فيه علشان النيابة العامة تستريح وتعيش بنصرها على شاب في بداية حياته..
 النهاردة اليوم التاسع في الإضراب عايش على السوائل والسكريات كل مطالبي تطبيق القانون والدستور ولو في دليل واحد ضدي طلعوه وحكموني أو افرجوا عني ادارة السجن عندها علم وهبلغهم تاني وهبلغ النيابة العامة 
#لا_لحبس_الصحفيين
#الصحافة_ليست_جريمة
#الحرية_للصحفين
#الحرية_حلال"
 
 

التعليقات
press-day.png