رئيس التحرير: خالد البلشي

Loading

أهم الأخبار

بالفيديو.. خالد أبو النجا:«اسمع كلامي بس» سبب «العك» في تيران وصنافير.. وسجن المواطنين ليس حلا للمشاكل

خالد أبو النجا
خالد أبو النجا
وصف الفنان خالد أبو النجا، ما أسماه منطق اسمعوا كلامي بس الذي تدار به الأمور في مصر من خلال مؤسسات الدولة ومن بينها مؤسسة الرئاسة بأنه سبب "العك" السائد في مصر حاليا، وسببًا في خلق المشاكل والأزمات وآخرها قضية تيران وصنافير.
وقال أبو النجا، خلال لقائه في برنامج "بتوقيت مصر" الذي يقدمه الإعلامي تامر أبو عرب،الثلاثاء، "إن المشكلة أكبر من تيران وصنافير، المشكلة في الشفافية، متسائلاً "من تلومه في هذا (العك) الذي حدث، عندنا محاكمة حكمت بأن تيران وصنافير مصرية، يروح بعدها البرلمان يتبعت له الملف ويصوت وبعدها الرئيس صدق على القرار في العيد".
وأضاف أبو النجا، "أن الكارثة بتحصل لما يكون عندك موضوع موضوع مهم، ويطلع يقولنا (اسمع كلامي بس، ومش عاوز حد يتكلم فى الموضوع ده تاني)، وده مينفعش، لأن علشان الناس تعمل قرار لازم يكون عندهم معرفة، لو أنت مش قايل لهم التفاصيل الناس هتحاكم إزاي".
وأوضح أبو النجا أن مؤسسة الرئاسة - في رأيه- هي المذنبة بنسبة 100%، مضيفا "دي غلطتهم، يعنى مفيش حد يصحى الصبح يقول احنا هندى الجزيرتين دول للسعودية أصل هم سعوديين، الناس طبعا ستثور، ماشرحتش ليه وجهة نظرك قبلها، ليه معملتش تمهيد لده".
وتابع أبو النجا، "الناس بتسميها دلوقتي أرض محتلة من السعودية، وبكده هتكون عندك مشكلة أنت خلقتها، وهي دي الكارثة اللّي إحنا عايشين فيها وهي خلق الأزمات أو المشاكل، وده بسبب أنهم معندهمش القدره على إنهم يديروا بلد بهذا الحجم بالحكمة اللازمة، وهذا يؤدي إلى مشاكل بالشكل ده، مشاكل على مستوى كبير، والحلول مش أنك تسجن الناس، مش انك تحطهم في حبس سنين زي آية حجازي أو معتقل التيشيرت". 
 

 

التعليقات
press-day.png